هادا واحد لكسول، غير هز صبعو و هو يشدو لكلاكاج
هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة
قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم
قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم
ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية
هادا واحد شدوه البوليس, و سولوه أشنو سميتو، جاوبهم بشويييية :عمر
قال ليه واحد لبوليسي: وا غوّت
هادا واحد المعكاز، سولوه: مللي كتفيق، أشنو كتدير؟، قال ليهم :كانتكّى
و هو يقول ليهم: وااااااااااااااااااااع
واحد لمرا خايبة تجوجات واحد الراجل خايب بزااااااااااااف، تزاد عندهم ولد آية ف الجمال، غزال بزاف، و هوما يسميوه مايمكنش
واحد الكلب دايع ف الزنقة داز حدا الكوميسارية و هو يبان ليه واحد شيان بوليس (كلب بوليسي) و هو يقول ف راسو: تفو! كون غير كملت قرايتي
هادا واحد قال لمرته: انتي حمامة
قالت له: لا، أنا غزالة
قال لها: واخا. المهم حيوانة
هادا واحد مبوق قال لصاحبو: واش باينة ليك هاديك الكتبة اللي كاينة ف الحيط
قال ليه صاحبو مبوق كتر منه: الكتبة بانت ليا، إما الحيط ما شفتوش
النهاية
الرئيسية 
تسجيل 
عدد المساهمات
نـقـــــــــــــاط
