موضوع: نكت المكلخين _ نكتة زوينة - ابتسامة لكل مواطن الإثنين فبراير 14, 2011 10:44 pm
واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟ قال ليهم: حيت خليت الباسبور فوق منها جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني
مكلخ خطف مكلخة ودارها ف الطوموبيل. البنت بدات كتغوت قال ليها المكلخ: غادي تسكتي أولا غادي تنزلي قالت ليه: لا صافي هاني سكت هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟ جاوبو صاحبو: وعلاش نجري؟ مالي أنا اللي ضربتو؟ هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟ رد عليه صاحبو قال ليه: حيت ما قرا والو ف الصيف هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.
هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج
هادا واحد غادي يشري 10 دراهم ديال الحشيش، بانت ليه سطافيت و هو يلوح 10 دراهم
هادا واحد مكلخ قال يا ربي ندير يدي ف جيبي و نلقى 20 درهم. منين دار يديه لقى جيبه متقوب. و هو نيت يرجع يقلب لا تكون طاحت ليه ال 20 درهم
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة. قالت ليه مرتة: دق على الخشب. الراجل دق على الطبلة. و هي تقول مرته: شكون؟ قال ليها: جلسي نتيا، أنا نمشي نطل شكون هادا واحد مكلخ مشى عند مول التلفزيونات و قال ليه: عندك تلفزيونات بالألوان؟ قال ليه لاخور: كاينين و هو يقول ليه المكلخ: واخا عطيني واحد خضر
هادوا جوج مكلخين ف الحبس، تفقوا يهرسوا الباب و يضربوا العساس و يهربوا. مللي هرسوا الباب، ما بانش ليهم العساس و هوما نيت يجلسوا يتسناو فيه
هادا واحد مكلخ، تجمعوا عليه سبعة ديال الشياطين، واحد كيوسوس ليه و ستة كيفهموه
هادي واحد لمدينة ديال المفروحين. واحد النهار دارو الشغب و دار ليهوم البوليس حضر التجول ف الليل. مللي طاح الضلام، خرجوا كاملين يشوفوا هاد حضر التجول
Chicharito
عدد المساهمات : 3927 نـقـــــــــــــاط : 62289
موضوع: رد: نكت المكلخين _ نكتة زوينة - ابتسامة لكل مواطن الثلاثاء فبراير 15, 2011 12:11 am
ههههههههههههههه
ÄlặmbặRtǿr SǿùMã
عدد المساهمات : 8000 نـقـــــــــــــاط : 73676
موضوع: رد: نكت المكلخين _ نكتة زوينة - ابتسامة لكل مواطن الأربعاء فبراير 16, 2011 9:33 pm
هههههههههههههههههههههههههههههههههههههههههههه
ҳ̸Ҳ̸ القلب الحساس ҳ̸Ҳ .
عدد المساهمات : 5019 نـقـــــــــــــاط : 64092
موضوع: رد: نكت المكلخين _ نكتة زوينة - ابتسامة لكل مواطن الإثنين أبريل 25, 2011 4:17 pm