السلام عليكم أضع بين أيديكم هذه القصيده
تــدري وش اللي يجرح القـــــــلب جرحيــــن
ويمـــد حبــــل الــــحـــزن فيـــك ويشــــــده
انـــك تنـــاظــر طفــل مــــن غيـــر ابويـــــــن
يمشــــي ودمـعــــة سايــل فـــوق خــــــده
منظــر صــعيـب ويقســـم القلب قسميـــــن
لا قــام يمــســــح دمعـــــة بكــــف يـــــــده
يــمشـي ولا يــدري طــريقــة علـى ويـــــن
ليــن التـــعـــب مــن كثـــر ماتــــاه هـــــده
اثقـــل حـــروف يشــيلـهـا فـيـــه حرفيــــن
لا أب يــــــدري بــــــــــــــه ولا أم تـــــــرده
في خــطوتــه رحلـــة ودمعـــة وسـكيــــن
وحــــــظ توســــد بالمــراســـي مـخـــــده
جيــت اســـألـة باللـه قـللــي ولــد ميـــن ؟؟
وبغــى يجــاوب .. واختنــــــق صــوت رده
أنـــا يتيـــــم ومــا لدربــــي عنـــــاويــــــن
وجــــزر الحـــزن فينــي يســـاوي لمــــده
وطعــم الطفولــــة ما عرفتـه لهـا لحيــــن
وثــوب السعــــادة صـــرت مانيـب قــــده
ابكي إلـــى من شفت غيــري سعيديـن
ليـــن البكــــــا فينــــي يوصـــــل لحـــده
واقفى ورحت امسح دموعي من العيــن
وعينـــــي تناظــــر دمعتـــه فــوق خــده
وهذا اللـــي يجـــرح القلــــب جرحيــــن
ويمــد حبـــل الحــــزن غصـب ويشــــده
الرئيسية 
تسجيل 
عدد المساهمات
نـقـــــــــــــاط
