غـزوة الحـب
.. " غـزوة الحـب " ..
.. " غـزوة الحـب " ..
الهم أنـا ويـاه صـرنا رفـاقه
............... يا هم وخر عني اليوم مابيك
روّح على الي قد عشقته عشاقه
............... خله يشوفك يجتمع مع معاليك
أبي مـذاقـك يختلط مع مذاقه
............... خله يحسّ شوي خله يخاويك
غديه يذكر من غدى من فراقه
................ قائد جيوش الكفرعهد المماليك
يا هاجري والحزن ضيّق خناقه
................. والدمع ماله طاريٍ غير طاريك
دخلت قلبي بلا رقم أو بطاقة
.................. وسكّرت باب ولا عرفنا تواليك
ثمٍ بديت بغزو واسع نطاقه
.................. قصفت قلب الي يحبك ويغليك
استسلمت كل العروق بحماقة
.................. وقلبي رفع رايتها لجل يرضيك
مالي معك في غزوة الحب طاقة
................... الحرب بأرضك وانته أبخص بأراضيك
وآثار حربك ذقت منها ذواقه
.................... تكفى ترفّق .. تكفى والي يخليك
غديت مثل الموج في اصطفاقه
.................... يجي قوي لكن يضيع بشواطيك
ارتب بجرحي واعيد اشتقاقه
.................... جرح المحبه من فعايلك يشكيك
يكفي خلاص القلب مل احتراقه
.................... يعطي غلا وانته بخيل بعطاويك
يعني عشاني طامعن في صداقه
.................... تبيعها وانا الذي كنت شاريك ؟:
لابـوك لابـوها مـعاك العلاقه
.................... وماهيب مواري الخير والله مواريك
ما عادنيب اللي وراك بطفاقه
.................... يقعد اذا ريحت ويتبع خطاويك
ولا هذاك اللي يجيبه اشتياقه
..................... لامن زعلت ارضاك وتصد ويجيك
انا خلاص القلب فكك وثاقه
..................... من حبك و ما عاد لي رغبه فيك
(كل ماتبقى لي من مشاعر )
الرئيسية 
تسجيل 
عدد المساهمات
نـقـــــــــــــاط
